Ռուսաստանը Թուրքիային թույլ չի տա ակտիվանալ Հարավային Կովկասում

Ռուսաստանի հեղինակությունն այսօր Մերձավոր Արևելքում բարձրանում է, ինչը նշանակում է, որ Հայաստանի դերը, որպես ռուսական ռազմաբազա ունեցող երկիր, աճելու է: Ասում է ՀՀ ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը՝ հիշեցնելով, որ Հայաստանն ունի մի քանի հարյուր կիլոմետր հեռահարությամբ զենք:

Այս առումով, Սաֆրաստյանի համոզմամբ, Հայաստանը ոչ միայն դուրս չի մնացել աշխարհաքաղաքական իրադարձություններից, այլև գործոն է հանդիսանում՝ որպես ՌԴ դաշնակից:

Ինչ վերաբերում է Արցախի կարգավորման գործընթացում դերակատարման ձգտող Թուրքիայի ջանքերին, Ռուբեն Սաֆրաստյանը վստահ է, ոչ միայն Հայաստանը դրան իր համաձայնությունը չի տա, այլև ԵԱՀԿ ՄԽ համանախագահ երկիր Ռուսաստանը թույլ չի տա Թուրքիային ակտիվ դերակատարություն ստանձնել Հարավային Կովկասում: