ԵՐԵՎԱՆ, 13 մարտի — Sputnik. Ադրբեջանի իշխանութուններն արձագանքել են ռոսական «ՏՎ Ցենտր» հեռուստաալիքի հաղորդավար հայազգի Ռոման Բաբայանի և և Մերձավոր արևելքի և Կենտրոնական Ասիայի հարցերով ուսումնասիրության կենտրոնի տնօրեն, ՌԴ Դումայի նախկին պատգամավոր Սեմյոն Բաղդասարովի Արցախ կատարած այցին` խոստանալով «միջոցներ ձեռնարկել» նրանց դեմ։
Ինչպես տեղեկացնում են ադրբեջանական ԶԼՄ-ները, հղում անելով Ադրբեջանի ԱԳՆ-ն խոսնակին, Ադրբեջանի ԱԳՆ-ն կուսումնասիրի ԶԼՄ-ների հրապարակումները և «միջոցոներ կձեռնարկի՝ անկախ այցելուի անձից և զբաղեցրած պաշտոնից։ Եվ Ռոման Բաբայանը բացառություն չէ»։
Նշենք, որ Սեմյոն Բաղդասարովը և Ռոման Բաբայանն այցելելն են Արցախ, և նրանց այցի կադրերն հայտնվել են համացանցում։ Սա Բաքվում ծնված Բաբայանի Արցախ առաջին այցն է, բայց նա խոսք է տվել վերադառնալ և նշել է, որ ԼՂՀ կոնֆլիկտը լուծում չի ստանում Բաքվի բռնած դիրքի պատճառով։
«Նրանց ասած՝ Արցախի ինքնավարությունը Ադրեբեջանի կազմում, իրատեսական չէ»,-ասել է Բաբայանը:
Հիշեցնենք, որ ՌԴ և Իսրայելի քաղաքացի Ալեքսանդր Լապշինը, որը բնակվում է Մոսկվայում և վարում է հեղինակավոր Travel Blog-ը, ձերբակալվել էր 2016 թվականի դեկտեմբերի 15-ին Մինսկում: 2011 թվականի ապրիլին, 2012 թվականի հոկտեմբերին և 2016 թվականի հունիսին Լապշինն այցելել էր Լեռնային Ղարաբաղ և այդ մասին գրել իր բլոգում՝ քննադատելով Ադրբեջանի քաղաքականությունը, ինչի համար Ադրբեջանի իշխանությունները նրա նկատմամբ քրեական գործ էին հարուցել և հետախուզում հայտարարել՝ Ադրբեջանի պետական սահմանն անօրինական հատելու մեղադրանքով: Ադրբեջանը դիմել է Բելառուսին՝ Լապշինին արտահանձնելու պահանջով: Բելառուսն էլ բավարարել էր գործընկեր երկրի պահաջն ու Լապշինին արտահանձնել Բաքվին:
