ԵՐԵՎԱՆ, 12 մարտի — Sputnik. Գևորգ և Անդրանիկ Վարդանյանների ելույթը ռուսական Առաջին ալիքի «Փառքի րոպե» շոուում ուղղակի հիացրել է ժյուրիին, այժմ նրանք մրցույթի ֆավորիտներն են:
Եղբայրները ծնվել են Երևանում: Նրանք կրկես են գնացել դեռ մանուկ հասակում, սկզբից սովորել են էկվիլիբրիստիկա, իսկ ավելի ուշ դարձել են ուժային ակրոբատներ: Շոուի կազմակերպիչները նշում են, որ «ոչինչ չի խանգարում եղբայրներին մնալ դանակների վրա»:
«Կան մի քանի ականավոր արտիստներ: Տպավորիչ էր այն տղան, որն անում էր «Ես ուրիշ ծառ եմ» համարը: Երկու հայ տղաները՝ դանակով, ցնցող էին: Ես նման բան երբեք չէի տեսել: Հետո եղել է փայլուն աճպարար (Ռոման Խալաֆյանը՝ խմբ.): Եվ երկու չեմպիոն մարմնամարզիկներ», — «Տելեպրոգրամային» տված հարցազրույցում պատմել է ժյուրիի անդամ, հայտնի հաղորդավար Վլադիմիր Պոզները:
