ԵՐԵՎԱՆ, 12 մարտի — Sputnik. 10-ամյա Արսեն Մանուչարյանը Կրասնոդարի երկրամասից ցույց է տվել իր զարմանալի կարողությունները ռուսական «Առաջին ալիքի» «Լավագույնը» տաղանդների շոուի եթերում: Կրակներով տղան գիրոսկուտերով մասնակցում է կրակե շոուին: Սա նրա համար ոչ միայն զբաղմունք է, այլ նաև գումար վաստակելու միջոց. Արսենը ելույթ է ունենում շապիտո կրկեսում:
Մանուչարյանը սերում է կրկեսային ընտանիքից, նրա ծնողները նույնպես կրկեսի արտիստներ են: Տղայի հայրը պատմել է, որ տղան պարանոցով մեքենա է քաշում: «Դա նույնպես ընտանեկան ավանդույթ է», — ասել է հայրը: «Դուք Կրասնոդարի երկրամասում փոխարինում եք էվակուատորին», — կատակել է շոուի հաղորդավար Մաքսիմ Գալկինը:
Գալկինին զարմացրել է կրկեսային ընտանիքը, որում հոր վրայով անցնում են մեքենաներ, իսկ մայրը մազերով վագոններ է քաշում: Արսենը ցուցադրել է իր վարպետությունը՝ գիրոսկուտերով անցնելով շոուի բեմով: «Երբեք չեմ տեսել, որպեսզի նման արագությամբ այդքան վտանգավոր գործիքներ պտտեն», — ասել է Գալկինը:
Վերջում Արսենը մեքենա է քաշել: «Ամեն ինչ իսկական է: Նա յուրահատուկ մարդ է, չեմ կասկածում, որ դուք այս ազգանունը կտեսնեք աշխարհի բոլոր կրկեսների աֆիշներին»,- ասաց Գալկինը:
