ԵՐԵՎԱՆ, 11 մարտի — Sputnik. Sputnik Արմենիա մամուլի կենտրոնում տեղի ունեցած ասուլիսի ընթացքում Հայաստանի կառավարման ակադեմիայի հոգեբանության ամբիոնի վարիչ, պրոֆեսոր ՌուբենԱղուզումցյանը թերի գնահատեց հինգ կուսակցության և չորս դաշինքի կողմից ցուցաբերվող վերաբերմունքն ընտրողների նկատմամբ. «Կուսակցությունները կենտրոնացած են միայն իրենց վրա՝ մոռանալով ընտրողին` որպես սպասվելիք ընտրությունների հիմնական մասնակից և պատասխանատու»,-ասաց Աղուզումցյանը: Հոգեբանը նշեց նաև, որ պատշաճ հոգեբանական մթնոլորտի առկայությունը կնպաստի հասարակության բնականոն և ներդաշնակ հունով ընթացքին նաև ընտրությունների ավարտից հետո:
«Նույն ընտանիքում հաճախ մարդիկ տարբեր կարծիքներ են ունենում, վիճում, իրարից նեղանում՝ մոռանալով, որ մարդկային հարաբերությունները վեր են ամեն ինչից, մոռանալով, որ ընտրություններից հետո էլ կյանք կա»,-ասաց Աղզումցյանը:
Բանախոսի կարծիքով՝ քաղաքական մշակույթը մեզ մոտ բարձր չէ, իսկ դա հնարավոր չէ բարձրացնել մեկ կամ մի քանի ամսվա ընթացում: Նա հորդորեց քաղաքացիներին սառը դատել, ինքնուրույն որոշումներ կայացնել, չլսել ոչ մեկին ու չընկնել ոչ մեկի ազդեցության տակ, որ հետո ուրիշ որևէ մեկին չմեղադրեն:
«PR-ի զարգացման հայկական կենտրոնի» ղեկավար, PR-խորհրդատու Հայկ Կիրակոսյանը համոզված է, որ ներկայիս ընտրություններում հանրությունն ավելի շատգործ ունի դերասանների, քան քաղաքական գործիչների հետ: Նախընտրական արշավների ընթացքում կիրառվող PR տեխնոլոգիաներից Կիրակոսյանն առաձնացրեց արհեստական արժևորում ստեղծելը և անտեղի ուշադրություն գրավելը, ասենք՝ սեփական պաստառները խզբզելու միջոցով:
«Դուք փակցնում եք պաստառը, իսկ ձեր գործընկերները գալիս են և սևացնում կամ պատռում են այն, որից հետո դուք հայտարարում եք, որ դա արել են ձեր չուզողները»:
Բանախոսը նաև կարծիք հայտնեց, որ հեռուստաէկրաններին անվերջ ցուցադրվող հնդկական սերիալները կոչված են հակադեպրեսանտի դեր տանելու՝ հուզառատ և ընկճող ընտրություններից հետո:
