ԵՐԵՎԱՆ, 10 մարտի — Sputnik. Մարկ Ցուկերբերգը և նրա կինը` Պրիսցիլա Չանը, սպասում են իրենց երկրորդ բալիկի լույս աշխարհ գալուն: Այս մասին հաղորդել է Business Insider-ը:
Նրանց երկրոդ զավակն աղջիկ է: Մարկ Ցուկերբերգի և Պրիսցիլա Չանի առաջին բալիկը՝ Մաքսը ծնվել է 2015-ի դեկտեմբերին:
«Մաքսին հեշտ չենք մեծացնում, դրա համար էլ այնքան էլ համոզված չէինք, թե պատրաստ ենք երկրորդ երեխայի ծնունդին:Երբ մենք իմացանք, որ Պրիսցիլան հղի է, մեր առաջին մտահոգությունն էր, որ երեխան առողջ լինի: Նաև շատ էի ցանկանում, որ նա աղջիկ լինի: Չեմ կարող պատկերացնել առավել մեծ նվերի մասին, քան դստրիկն է: Ես անչափ երջանիկ եմ, որ Մաքսը քույրիկ կունենա, որովհետր քրոջից լավ բան չկա», — գրել է Ցուկերբերգը: