ԵՐԵՎԱՆ, 9 մարտի — Sputnik. Բնապահպանության նախարար Արծվիկ Մինասյանն այսօր կառավարության շենքում չցանկացավ պատասխանել լրագրողների քաղաքական հարցերին:
«Ես գտնվում եմ պետական կառույցի՝ կառավարության շենքում, երկուշաբթի օրվանից ես ամբողջությամբ արձակուրդում եմ, և մեծ սիրով կպատասխանեմ ձեր բոլոր հարցերին»,- ասաց Արծվիկ Մինասյանը:
Այդուհանդերձ, մի քանի հարցերի նախարարը պատասխանեց: Ընտրակաշառքների մասին ասաց, որ լսել է որոշ հայտարարություններ, բայց չունի փաստեր, ուստի ձեռնպահ մնաց անուններ հնչեցնելուց: Իսկ ընտրողների հիասթափությունների մասին հնչող գնահատականները դաշնակցական նախարարը չկիսեց՝ ասելով, որ ինքն ընտրողների հետ հանդիպումներում ամենատարբեր տրամադրություններ է արձանագրել` հիասթափությունից մինչև ոգևորություն: