Անակնկալներ` Հյուսիսային պողոտայում

ԵՐԵՎԱՆ, 8 մարտի — Sputnik. Երևանում թևածող տոնական մթնոլորտն ավելի ջերմ են դարձրել Հյուսիսային պողոտայում ձևավորված ծաղկային տաղավարները: Այս մասին գրում է Երևանի քաղաքապետարանի մամուլի ծառայությունը։

Ծաղիկներից ու տոնական բացիկներից զատ, կանանց ու աղջիկներին երգեր են ձոնել նաև հեղինակ-կատարողները: Անցորդ կանանցից ոմանք նաև ձայնակցել են կատարողներին` էլ ավելի տոնական դարձնելով մթնոլորտը:

Շնորհավորելով ու բարեմաղթանքներ հղելով միմյանց` կանայք նաև շնորհակալություն են հայտնել Երևանի քաղաքապետարանին` հերթական գեղեցիկ անակնկալի և կանանց հանդեպ դրսևորած հատուկ վերաբերմունքի համար: