ԵՐԵՎԱՆ, 6 մարտի — Sputnik. Հայտնի գործարար, «Տաշիր» խմբի հիմնադիր և սեփականատեր Սամվել Կարապետյանը ներառվել է աշխարհի ամենահարուստ մարդկանց ցանկում, որում 500 անուն է ընդգրկված։ Միլիարդատերերի ցանկը կազմել է Bloomberg գործակալությունը։
Կարապետյանը զբաղեցնում է 394-րդ հորիզոնականը, նրա կարողությունը կազմում է 4.36 միլիարդ դոլար։
Bloomberg-ի ցանկում ամենահարուստ մարդը Microsoft ընկերության հիմնադիր Բիլ Գեյթսն է, որի կարողությունը 86.5 միլիարդ դոլար է գնահատվում։
Երկրորդ և երրորդ հորիզոնականներում ամերիկացի գործարար և ներդրող Ուորեն Բաֆետն (78,9 միլիարդ) ու մեքսիկացի բիզնեսմեն Կառլոս Սլիմն են (53 միլիարդ)։
