Արցախի ՄԻՊ գրասենյակը զեկույց է հրապարակել, որտեղ մանրամասն ներկայացրել է Արցախի խաղաղ բնակչության նկատմամբ Ադրբեջանի իրականացրած ոտնձգությունները: Ինչպես Sputnik Արմենիայի հետ զրույցում հայտնեց Արցախի օմբուդսմեն Ռուբեն Մելիքյանը, զեկույցում ներկայացված փաստերին Ադրբեջանի իշխանությունները որևէ կերպ չեն արձագանքել:
«Դեկտեմբերի 9-ին մենք զեկույց հրապարակեցինք, որը վերաբերում էր Ադրբեջանի վերահսկողության ներքո հայտնված անձանց նակատմամբ վերաբերմունքին: Հիմնական անհանգստացնող հետևությունն այն էր, որ այդ անձանց 90%-ը՝ 30 հոգի, ենթարկվել է պատերազմական հանցագործությունների՝ ներառյալ խոշտանգումներ, մահապատիժներ և դիակների անարգում»,- ասաց Մելիքյանը:
Փաստերը, հրապարակելուց բացի, ներկայացվել են նաև միջազգային հարթակներում: Բայց փետրվարյան դեպքերը, Ռուբեն Մելիքյանի համոզմամբ, ցույց տվեցին, որ անարձագանք ու անպատիժ մնացած հանցանքները ծնում են նորերը:
