ԵՐԵՎԱՆ, 6 մարտի — Sputnik. ԱՄՆ նախագահ Դոնալդ Թրամփն օտարերկրյա ահաբեկիչների մուտքը կանխելու համար նոր հրամանագիր է ստորագրել, որն ուժի մեջ կմտնի մարտի 16-ին:
ԱՄՆ նախագահ Դոնալդ Թրամփը նոր հրամանագիր է ստորագրել, որն 90 օրով արգելում է Միացյալ Նահանգներ մուտքը 6 երկրների՝ Իրանի, Եմենի, Լիբիայի, Սիրիայի, Սոմալիի ու Սուդանի քաղաքացիների համար: Ի տարբերություն նախորդ հրամանագրի՝ Իրաքն այդ ցանկում ներառված չէ։
Արգելքը չի տարածվի նրանց վրա, ովքեր ունեն մինչև հունվարի 27-ը տրված վիզա, ԱՄՆ-ում բնակվելու իրավունք կամ ԱՄՆ քաղաքացիություն և միաժամանակ արգելված երկրների հպատակներ են:
