ԵՐԵՎԱՆ, 5 մարտի — Sputnik. Fox News հեռուստաալիքի լրագրող, 47-ամյա Հիզեր Նաուերթը ԱՄՆ պետդեպարտամենտի պաշտոնական ներկայացուցիչ կդառնա, հայտնում է Bloomberg գործակալությունը:
Նշվում է, որ Fox&Friend առավոտյան ծրագիրը ԱՄՆ նախագահ Դոնալդ Թրամփի ամենասիրած հեռուստահաղորդումն է:
Ավելի վաղ Fox հեռուստաալիքի մեկ այլ ներկայացուցիչ Ջոնաթան Վակտելը ՄԱԿ-ում ամերիկյան առաքելության ներկայացուցիչ էր նշանակվել:
Մինչ Fox News-ում աշխատելը Նաուրթը առողջապահական, հարկերի և սոցիալական ապահովության հարցերով կառավարական խորհրդատու էր: Այնպես որ պետական կառույցների հետ աշխատելու փորձ ունի:
Սակայն նա մեծ համբավ է ձեռք բերել հեռուստատեսությունում աշխատելով և նույնիսկ «Էմմի» մրցանակի է առաջադրվել:
