ԵՐԵՎԱՆ, 3 մարտի — Sputnik. Ռուսաստանի Դաշնության Դաշնային ժողովի Պետական դումայի նախագահ Վյաչեսլավ Վոլոդինը հույս ունի, որ խորհրդարանական ընտրություններում Հայաստանում հաղթանակ կտանեն այն ուժերը, որոնք տրամադրված են Ռուսաստանի հետ հարաբերությունների զարգացմամբ։
«Մենք, իհարկե, հույս ունենք, որ ընտրություններում հաղթանակ կտանեն առողջ ուժերը, այն ուժերը, որոնք իրենց քաղաքականության հիմքում տեսնում են մեր հարաբերությունների հետագա զարգացումը»,-լրագրողներին ասաց մեկօրյա պաշտոնական այցով Երևանում գտնվող Վոլոդինը։
Խոսնակը նաև ընդգծեց, որ ընտրությունները գալիս և գնում են, իսկ հայ-ռուսական հարաբերությունները` մնում։ Եվ հարկ է դրանք կառուցել ու խորացնել նաև ընտրություններից հետո։ Նրա խոսքով` հայ-ռուսական հարաբերություններն ու փոխգործակցությունը ստրատեգիական նշանակություն ունեն։
«Մեր հարաբերությունները հիմնված են փոխշահավետ և երկուստեք հետաքրքրություն ներկայացնող հարցերի քննարկման և լուծման վրա»,-ասաց Դումայի խոսնակը։
Ռուսաստանի Դաշնության Դաշնային ժողովի Պետական դումայի նախագահ Վյաչեսլավ Վոլոդին գլխավորած պատվիրակությունը մեկօրյա պաշտոնական այցով Երևան ժամանեց ուրբաթ` 03.03.2017-ին։ Հայ և ռուս պատգամավորների ուշադրության կենտրոնում են միջպառլամենտական խնդիրները։
