ԵՐԵՎԱՆ, 3 մարտի — Sputnik. Ջութակահար Նիկոլայ Մադոյանը 35 ժամ շարունակ նվագել է ջութակ, ժամը մեկ 5 րոպե ընդմիջումներով` կատարելով 59 ստեղծագործություն։
Այդ անհավանական թվացող արարքը նա կատարել է մասնագիտական հետաքրքրությունից դրված։ Նիկոլայն ասաց, որ սահմանել է սեփական մարմնով փորձարկված մեթոդ, որով երկար նվագելու ժամանակ հնարավոր է այնպես լարել ու թուլացնել մկանները, որ հոգնածությունը չզգացվի։
Նիկոլայ Մադոյանը գեղեցիկ նվագում է ու կամքը փորձելով՝ ռեկորդ սահմանում։ Ոչ պակաս կամային մեկ այլ անհատականություն՝ մարզիկ Արտյոմ Սոլոյանը, մեկ րոպեում 124 սեղմում է կատարել` գետնին բռունցքներով հենված։
Ալոյանը պատմեց, որ միշտ հետևել է տարբեր մարզաձևերում մարզիկների սահմանած ռեկորդներին, հետո որոշել է, որ ինքն էլ պետք է ռեկորդակիր դառնա և դարձել է։
Ավելին, ռեկորդակիր դառնալու է հավակնում արդեն նրա քառամյա որդին, որը հետևում է հոր օրինակին։
Հայկական Դյուցազնագրքի հեղինակ Վարդան Թովմասյանն էլ նշեց, որ իր հեղինակած գրքում մարդկային երևակայությունից դուրս շատ արարքներ կան արձանագրված, որոնք սպասում են իրենց հերթին՝ միջազգային ռեկորդների գրքում տեղ գտնելու համար։
Անհավանական արարքներ, խելահեղ ռիսկ. հայկական ազգանունները հազվադեպ չեն ռեկորդների գրքում։ Դյուցազներգությունը շարունակվում է։
