ԵՐԵՎԱՆ, 3 մարտի — Sputnik. Մարմնամարզության միջազգային ֆեդերացիան Հայաստանի մարմնամարզության ֆեդերացիային կտրամադրի նոր մարզագործիքներ: Այս մասին Հայաստանի ազգային օլիմպիական կոմիտեի մամուլի ծառայությանն է հայտնել ազգային ֆեդերացիայի նախագահ Ալբերտ Ազարյանը:
«Մենք սրան վաղուց էինք սպասում: Միջազգային ֆեդերացիան հայտնեց, որ մենք կարող ենք ստանալ ֆրանսիական Gymova ապրանքանիշի արտադրության նոր գործիքներ` պտտաձող, զուգափայտ, օղակ և հարթակ ազատ վարժությունների համար: Մեզ մնում է միայն բերել այդ գործիքները Հայաստան»,- ասել է Ազարյանը:
Նա հույս է հայտնել, որ Հայաստանի ազգային օլիմպիական կոմիտեն կաջակցի այդ խնդրի լուծման հարցում:
