ԵՐԵՎԱՆ, 3 մարտի — Sputnik. Մարտի 2-ին և լույս 3-ի գիշերը իրադրությունը արցախա-ադրբեջանական հակամարտ զորքերի շփման գծում մնացել է լարված: Հակառակորդը շփման գծի ողջ երկայնքով ականանետներից, նռնականետներից ու խոշոր տրամաչափի գնդացիրներից, հրադադարի պահպանման ռեժիմը խախտել է շուրջ 145 անգամ Հատկապես ինտենսիվ խախտումներ են արձանագրվել շփման գծի արևելյան և հյուսիսարևելյան ուղղություններում:
«Նշված հատվածներում ադրբեջանական զինուժը 60 և 82 միլիմետրանոց ականանետներից ու տարբեր տիպի նռնականետներից արձակել է 111 արկ»,- նշված է Արցախի պաշտպանության նախարարության մամուլի ծառայության հաղորդագրության մեջ:
ՊԲ առաջապահ զորամասերի կողմից ձեռնարկված պատասխան գործողությունների արդյունքում՝ հակառակորդի ակտիվությունը ճնշվել է։
