ԵՐԵՎԱՆ, 2 մարտի – Sputnik. Երևանի պետական բժշկական համալսարանը ակցիա է նախաձեռնել, որի շրջանակում զինվորական ծառայության ժամանակ վիրավորված զինծառայողները մարտի 8-յան տոնական բացիկներ են պատրաստում։ Որոշ կառույցներ արդեն հայտնել են, որ պատրաստ են գնել այդ բացիկները։ Նրանց է միացել նաև անգլիական «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը
«Մեր վիրավոր զինվորներին աջակցելու` Բժշկական համալսարանի ծրագրին միանում եմ նաև ես և մեծ սիրով հենց այս բացիկներով կշնորհավորեմ իմ հարազատներին: Միացեք և Դուք»,- Ֆեյսբուք սոցիալական ցանցի իր էջում գրել է Հենրիխ Մխիթարյանը։
Նա նշել է, որ ողջ հասույթը տրամադրվելու է վիրավոր զինվորների վերականգնողական կենտրոնի վերանորոգմանը:
