ԵՐԵՎԱՆ, 1 մարտի — Sputnik. Գարնան գալու հետ Երևանի քաղաքապետարանն հայտարարում է քաղաքի ծաղկային տարածքների ավելացման աշխատանքների մեկնարկը։
Այսպես` Երևանի ծաղկային տարածքների ձևավորման համար առաջիկայում Հոլանդիայից կներկրվեն շուրջ 1.200.000 ծաղկասածիլներ` հիմնականում գեորգենի, պետունյա, խորդենի, թավշածաղիկ, սալվա և մեխակ:
Այս գործընթացին գրեթե զուգահեռ` մարտի 10-ից Երևանի ջերմատնային տնտեսությունում կսկսվի ծաղկասածիլների աճեցումը, որից հետո, ապրիլի վերջին արդեն կհայտնվեն մայրաքաղաքի ծաղկանոցներում: Ի դեպ, Երևանի ծաղկային տարածքները կհամալրվեն նաև սեփական արտադրության և վարչական շրջանների կողմից ձեռք բերված ծաղկասածիլներով:
