ԵՐԵՎԱՆ, 1 մարտի — Sputnik. Այն փաստը, որ վառելիքը մնացել է սահմանին, որևէ կերպ կապված չէ ներմուծման սահմանափակումների հետ, ասաց վարչապետ Կարեն Կարապետյանը ԱԺ-ում հարցուպատասխանի ժամանակ։
«Ներկա պահին օգնականս զբաղվում է այդ հարցով, այստեղ խնդիր կա։ Խոսքը վառարանների համար նախատեսված վառելիքի մասին է, սակայն մենք կասկածում ենք, որ Հայաստանում այն պահանջարկ ունի»,- ասաց Կարապետյանը` պատասխանելով ընդդիմադիր պատգամավոր Նիկոլ Փաշինյանի հարցին։
Վարչապետի կարծիքով` ենթադրվում է, որ բերված ապրանքը կարող է օգտագործվել անորակ նավթամթերք ստանալու համար։ Ընդ որում, Կարապետյանը խոստովանեց, որ նման հարցերը կարգավորման խնդիր ունեն, հարկավոր է հստակեցնել «խաղի կանոնների»։
«Մենք հանդիպում ունեցանք Իրանից վառելիք ներկրողի հետ, որը մեզ պատմեց ներմուծման ժամանակ առաջացող խնդիրների մասին։ ՈՒսումնասիրում ենք հարցը։ Հավանաբար, որոշակի փոփոխություններ կանենք, որոնք կկարգավորեն այդ բոլոր խնդիրները»։
