ԵՐԵՎԱՆ, 1 մարտի — Sputnik. Մարտի 1-ին, ժամը 13:04-ին տեղեկություն է ստացվել, որ Արարատի մարզի Վեդի քաղաքի «Վեդի-Ալկո» ՓԲԸ-ի մոտակայքում գնացքը մխրճվել է ոչխարի հոտի մեջ: Այս մասին տեղեկացնում է ՀՀ ԱԻՆ լրատվական ծառայությունը։
Դեպքի վայր է մեկնել Մարզային ճգնաժամային կառավարման կենտրոնի օպերատիվ խումբը:
Պարզվել է, որ «Հարավկովկասյան երկաթուղի» ՓԲԸ-ի բեռնատար գնացքը Արարատ-Արտաշատ Պիկետ 3.4 մոտակայքում, Տափերական գյուղի մոտ, բախվել է մանր եղջերավոր անասունների (ոչխար) հոտին։ 350 գլուխ հոտից անկել են մոտ 120 ոչխար և վիրավորվել՝ 50-ը:
Լրատվամիջոցների տեղեկություններով՝ բեռնատար գնացքի վարորդն արդեն հայտարարել է, որ մառախուղ է եղել, որի պատճառով ինքը չի նկատել գառներին։
