ԵՐԵՎԱՆ, 27 փետրվարի — Sputnik. Եվրամիության խորհուրդը երկուշաբթի հավանություն է տվել Վրաստանի քաղաքացիների համար վիզայի ռեժիմը չեղյալ հայտարարելու որոշմանը, հաղորդում է Sputnik Գրուզիան` հղում անելով Վրաստանի վարչապետ Գեորգի Կվիրիկաշվիլիին։
«Եվրամիության խորհուրդը հաստատել է կանոնակարգը, որը ենթադրում է Վրաստանի քաղաքացիների համար առանց վիզայի ռեժիմի սահմանում», — գրել է Կվիրիկաշվիլին Facebook-ում իր էջում։
Մարտի 1-ին օրենսդրական փոփոխությունը կստորագրեն Եվրախորհրդարանի նախագահն ու ԵՄ Խորհրդում նախագահող Մալթայի ներկայացուցիչը: Դրանից հետո փոփոխությունը կհրապարակվի Եվրամիության պաշտոնական պարբերականում: Կարգավորումն ուժի մեջ կմտնի հրապարակումից 21 օր անց, և Վրաստանի քաղաքացիները կկարողանան Շենգենյան գոտու երկրներ մեկնել առանց վիզայի։
