ԵՐԵՎԱՆ, 27 փետրվարի — Sputnik. Ոստիկանությունը մտադիր է ազատել վարորդներին տուգանքների վճարումն ուշացնելու դեպքում նախատեսված տույժերից, ԱԺ-ում հայտնեց ՀՀ առաջին փոխոստիկանապետ Վարդան Եղիազարյանը։
Որոշման նախագիծը նախատեսում է, որ ուշացումը չի ազդի վճարվող գումարի վրա. վարորդը կվճարի միայն տուգանքը։
Եղիազարյանն ընդգծեց, որ օրենքը հակադարձ ուժ չի ունենալու, նախորդ պարտքերը վարորդները ստիպված կլինեն վճարել։ Նրա խոսքով` Հայաստանը վերջին հինգ տարիների ընթացքում ամեն տարի շուրջ մեկ մլրդ դրամի տույժ է դուրս գրել ուշացրած տուգանքների համար։
Ճանապարհատրանսպորտային կանոնները խախտելու համար նախատեսված տուգանքների վրա ավելացված 25 և 50-տոկոսանոց տույժերը նախատեսվում է հանել 2017 թվականի հուլիսի 1-ից։
