Հայաստանի ներքին խնդիրները չեն կարող շեղել ուշադրությունը մեր երկրի անվտանգության խնդիրներից, Արցախի Հանրապետությունն էլ անպաշտպան չի մնա միայն այն պատճառով, որ Հայաստանը զբաղված է խորհրդարանական ընտրություններով: Լրագրողների հետ հանդիպմանն, անդրադառնալով հայ-ադրբեջանական շփման գծում գրանցված վերջին լարվածությանը, ասաց ՀՀԿ փոխնախագահ Արմեն Աշոտյանը:
«Մեր հարևանները կարծում են, որ գալիք խորհրդարանական ընտրությունները շեղելու են ՀՀ ժողովրդի և իշխանությունների ուշադրությունը մեր երկրի սահմաններից, անպաշտպան են թողնելու Արցախը և Ադրբեջանի համար հնարավորություն են ստեղծելու հրահրել նոր ռազմական գործողություններ»,- ասաց Աշոտյանը:
ՀՀԿ փոխնախագահը նաև նշեց, որ ՀՀ հասարակությունն ու զինված ուժերն, անկախ երկրի ներսում տիրող իրավիճակին, միշտ պատրաստ են հակահարված տալ, ինչի մասին վկայում են նաև վերջին սահմանային միջադեպերը:
