ԵՐԵՎԱՆ, 25 փետրվարի — Sputnik. Վրացական խարչո ապուրը, զբաղեցնելով The World Travel Guide կազմած վարկանիշի պատվավոր երկրորդ հորիզոնականը, ճանաչվել է աշխարհի առավել հագեցնող ապուրներից մեկը, որը հատկապես օգտակար և հաճելի է ձմռան սեզոնին։
«Եթե դուք ցանկանում եք լավ կշտանալ դահուկներ քշելուց կամ ձյուն մաքրելուց հետո, ապա խարչոն ամենալավ ընտրությունը կլինի», — գրում է պարբերականը` նկարագրելով գառան մսով, բրնձով, բոված ընկույզով և յուրահատուկ համեմունքներով` պղպեղ, շաֆրան և տխլապի (խյուս` թթու սալորից) պատրաստվող հայտնի այս ապուրի բաղադրատոմսը։
«Տխլապին ապուրին թթվաշ համ է հաղորդում, որն ապուրն անկրկնելի է դարձնում», — նշում են վարկանիշային աղյուսակ կազմողները;
Առաջին տեղը խարչո ապուրը զիջել է ժենշենով չինական հավով ապուրին, երրորդ հորիզոնականը զբաղեցրել է մանր ծովախեցգետնից պատրաստվող պերուական ապուրը (Chupe de camarones)։ Չորորդ տեղը կիսել են ամերիկացի շեֆ-խոհարար Ջադի Դե Լաուրենտիսի կողմից պատրաստած հավով, իմբիրով և սոխով Detox Soup-ը և Բժիշկ Օզի պատրաստած բրոկկոլիով, սպանախով և նեխուրով պատրաստած ապուրները։
Առաջատարների հնգյակը փակել է մեր տարածաշրջանում ոչ պակաս հայտնի ռուսական ` ոչխարի երիկամներով և աղի դրած վարունգով ապուրը։ Վարկանիշի հեղինակները պնդում են, որ հենց այս ուտեստը կարող է թեթևացնել առատ կերուխումով ուղեկցվող խումարը՝ ձմեռային տոն օրերից հետո։
