Մերօրյա Բուն Բարեկենդանը`լուսանկարներով

Երևանում տեղի է ունեցել տոնական երթ և զբոսահանդես՝ նվիրված Բուն Բարեկենդանի տոնին:

Վերջին տարիներին Արարատյան հայրապետական թեմը Մեծ պահքից առաջ հանդիսավոր նշում է Բարեկենդանը:

Այս տոնը ռուսական բարեկենդանի և եվրոպական դիմակահանդեսի անալոգն է:

Բարեկենդան բառացի նշանակում է «բարի կենդանություն»:

Երևանցիները և մայրաքաղաքի հյուրերը Սուրբ Սարգիս եկեղեցուց երգերի և պարերի ներքո շարժվել են դեպի Սպենդիարյանի անվան օպերայի և բալետի ազգային ակադեմիական թատրոն:

Տոնախմբությանը միանում էին նաև անցորդները։

Տոնը կազմված է երկու մասից՝ հոգևոր և ժողովրդական: Տոնի սկիզբն ազդարարվել է եկեղեցում՝ պատարագով, հետո սկսվել է ժողովրդական տոնախմբությունը։

Հայկական ազգային պար՝ Յարխուշտա

Տեր Պետրոս ավագ քահանա Մալյանը Sputnik Արմենիային տված հարցազրույցում նշեց, որ այս տարի տոնն ավելի լայնածավալ է, և հավաքվածների շարքում մեծ խանդառավություն կարելի է նկատել:

Հատուկ Բարեկենդանի տոնակատարության համար Մաշտոցի պողոտան մինչև Սպենդիարյանի անվան օպերայի և բալետի ազգային ակադեմիական թատրոն փակվել էր:

Պետրոս Մալյանը նշեց, որ Երևանի 12 վարչական շրջանները մասնակցում են տոնին՝ իրենց ազգային համույթներով:

Օպերայի բակում հավաքվածները բաժանվել էին մի քանի խմբերի, պարում էին, խաղում, երգում, ներկայացումներ ցուցադրում:

Բարեկենդանը նաև դիմակահանդես է, որին մասնակցում են, հիմնականում, դիմակներով երիտասարդներ, հեքիաթների կերպարներ, ազգագրական խմբեր:

Հնչեցին ազգային ժողովրդական երգեր, երթի մասնակիցները պարեցին յարխուշտա, քոչարի և այլ հայկական ազգային պարեր:

Տոնական երթի մասնակիցները լավ տրամադրությամբ «վարակեցին» բոլորին:

Բարեկենդանի սիմվոլները

Ուրախությանը միացել են նաև հարակից տների բնակիչները և մեքենաների վարորդները, որոնք ողջունում էին և ուրախանում տոնական երթի մասնակիցների հետ միասին: