ԵՐԵՎԱՆ, 25 փետրվարի — Sputnik. Փետրվարի 25-ին Տիգրան Պետրոսյանի անվան շախմատի տանը լրագրողների միջև երրորդ շախմատային մրցաշարն անցկացվեց:
Արագ շախմատի մրցաշարը, որին մասնակցեցին հայկական տարբեր հրատարակությունների ավելի քան 20 լրագրողներ, անցկացվում էր յոթ տուրով:
Լարված պայքարից հետո, որն անցնում էր ընկերական մթնոլորտում, առաջին տեղը զբաղեցրեց անցյալ մրցաշարի հաղթող, «Գոլոս Արմենիա» թերթի սպորտային մեկնաբան Վադիմ Մկրտչյանը` հավաքելով 7 հավանական միավորներից 6,5 միավոր:
Օբյեկտիվորեն պետք է ասել, որ ի սկզբանե նա էր մրցաշարի ֆավորիտը: Հինգ միավորով երկրորդ տեղը գրավեց Նարեկ Վարազդատյանը (haymedia.am): Բրոնզե մեդալակիր դարձավ «Ասպետ» թերթի ներկայացուցիչ Արթուր Բունիաթյանը, որը նույնպես հինգ միավոր էր վաստակել, սակայն երրորդն էր լրացուցիչ ցուցանիշներով:
Ցավոք, Sputnik Արմենիայի ներկայացուցիչներին չհաջողվեց համալրել առաջին հնգյակը: Չնայած նրանցից մեկի` Դավիթ Գալստյանի հաջողված մեկնարկին (երեք հավանական միավորներից` երեք), sputnik-ցիները զբաղեցրեցին ութերորդ և տասներորդ տեղերը: Սակայն նրանք չեն հուսալքվում, և սպասում են գործընկերների հետ շախմատ խաղալու նոր հանարավորությանը:
Մրցանակները հաղթողներին հանձնեցին կրկնակի օլիմպիական չեմպիոն, գրոսմայստեր Տիգրան Պետրոսյանն ու Հայաստանի օտարերկրյա թղթակիցների ասոցիացիայի ղեկավար Տիգրան Հովհաննիսյանը:
Մրցաշարի կազմակերպիչն էր Հայաստանի օտարերկրյա թղթակիցների ասոցիացիան: Մրցաշարի անցկացմանն աջակցեցին նաև Երևանի քաղաքապետարանը, Շախմատի կենտրոնական տունն ու «Սիլ Մաազա» ընկերությունը:
