Վիգեն Սարգսյան 2
«Կյանքի բոլոր ոլորտներում, այդ թվում՝ բանակում, կանանց համար պետք է ստեղծվեն տղամարդկանց հավասար պայմաններ»,- կարծում է պաշտպանության նախաար Վիգեն Սարգսյանը:
Ու թեև նախարարն այս պահին վաղաժամ է համարում կանանց պարտադիր զինծառայության մասին խոսելը, բայց չի բացառում, որ պայմանագրային մարտական ծառայությունում մոտ ապագայում կներգրավվեն նաև կանայք:
«Այն կանայք, որոնք ուզում են զինվորական ծառայության մեջ դրսևորվել, պետք է ունենան նման հնարավորություն»,- ասաց Վիգեն Սարգսյանը:
Նախարարի խոսքով` պայմանագրային հիմունքներով մարտական հերթապահության մեջ ներգրավվելու մեծ ցանկություն կա հատկապես սահմանամերձ բնակավայրերում: Պետությունն էլ, որպես սեռային հավասարություն ապահովող միավոր, Վիգեն Սարգսյանի համոզմամբ, պետք է նման հնարավորություն տա կանանց:
