ԵՐԵՎԱՆ, 24 փետրվարի — Sputnik. Դաշնակահար և կոմպոզիտոր Տիգրան Համասյանի տեսահոլովակը նկարել է ռեժիսոր Ռուբեն վան Լեերը` օգտագործելով 3D տեխնոլոգիա, որի հեղինակն է հայտնի հոլանդացի անիմատոր Խուլիուս Խորստիուսը, հաղորդում է Նյու Յորքի WBGO ռադիոկայանը։
Երաժշտի «An Ancient Observer» («Հին դիտորդ») նոր ալբոմի տեսահոլովակի պրեմիերան կայացել է փետրվարի 23-ին ամերիկյան մի քանի առցանց հարթակներում և արժանացել երաժշտական քննադատների դրական արձագանքին։
Դաշնակահարի նոր ալբոմի շնորհանդեսը տեղի կունենա այս տարվա մարտի 31-ին։ Այն ձայնագրվել է Nonesuch Records ձայնագրման ստուդիայում, որը պատկանում է Warner Music Group ամերիկյան երաժշտական ընկերությանը։
