ԵՐԵՎԱՆ, 23 փետրվարի – Sputnik. Երեկույթը կանցկացվի փետրվարի 26-ին, որին մասնակցություն կունենա նաև հիմնադրամի նախագահ Դեյվիդ Ֆուրնիշը, այս մասին հաղորդում է Էլթոն Ջոնի հիմնադրամը։
«Մեզ համար բավական է միայն տեսնել ՄԻԱՎ/ՁԻԱՀ-ի համաճարակի տարածման տեմպերը 1990-ականների կեսերին Ռունադայի ցեղասպանությունից հետո, որպեսզի հասկանանք մարդու իրավունքների կոպիտ խախտումների և հանրային առողջության ճգնաժամի կապը: Մանուկյանների ընտանիքի և պրոդյուսեր Էրիկ Էսրայելյանի հետ ընկերության արդյունքում ես և Դեյվիդն ավելի շատ ենք տեղեկացել Հայոց ցեղասպանության մասին»,- ասել է Էլթոն Ջոնը:
Նրա խոսքով՝ «Խոստում» ֆիլմը ցուցադրում է, թե ինչպես կարելի է դասեր քաղել անցյալի սխալներից:
«Մենք պատիվ ունենք մեր երեկոյի ընթացքում ձեզ ներկայացնելու «Խոստում» ֆիլմը»,- ասել է երգիչը:
Հիմնադրամի նախագահ Դեյվիդ Ֆուրնիշն ընդգծել է, որ իրենց համար մեծ պատիվ է հիմնադրամի կինոակադեմիայի մրցանակաբաշխության շրջանակում ներկայացնել մեծ բարերար Քըրք Քըրքորյանի միջոցներով նկարահանված ֆիլմը:
Ֆիլմի հիմքում սիրո պատմություն է, որի դեպքերը զարգանում են Հայոց ցեղասպանության տարիներին։
Русская версия
