ԵՐԵՎԱՆ, 23 փետրվարի-Sputnik. Բանակում չի լինելու քաղաքական կուսակցությունների զարգացում, ինչպես չի եղել նախորդ ընտրություններում, այսօր, վերահաստատելով ՀՀ նախագահի խոսքերը, ասաց ՀՀ պաշտպանության նախարար Վիգեն Սարգսյանը:
«Իսկ եթե զինվորները որոշեն, որ պաշտպանության նախարարը լավ է կատարում իր պարտականությունները և քվեարկեն այն կուսակցության օգտին, որի նախընտրական ցուցակն եմ ես գլխավորում, ապա դա նրանց քաղաքացիական իրավունքն ու ընտրությունն է»,- ասաց նա:
Պաշտպանության նախարարի կուսակցական լինելը, Վիգեն Սարգսյանի խոսքով, մի կողմից առավելություն է, բայց մյուս կողմից էլ՝ բանակում առկա այն բոլոր խնդիրներն անմիջապես վերագրվում են նրա ներկայացրած քաղաքական ուժին:
Ինչ վերաբերում է քարոզարշավին, Վիգեն Սարգսյանը վստահեցրեց, որ առավոտյան 06:00-ից 23:30-ը տևող աշխատանքային օրվա ընթացքում ժամանակ կգտնի նաև դրա համար:
ՀՀ պաշտպանության նախարար Վիգեն Սարգսյանը ՀՀԴ համամասնական ցուցակի առաջին համարն է:
