ԵՐԵՎԱՆ, 28 փետրվարի — Sputnik. Իշխող ՀՀԿ-ն որոշել է, թե ինչ կարգախոսով է հանդես գալու ընտրություններին, ՀՀԿ ԳՄ նիստից հետո լրագրողներին ասաց կուսակցության մամուլի քարտուղար, ՀՀ ԱԺ փոխխոսնակ Էդուարդ Շարմազանովը:
«Մեր նախընտրական քարոզարշավի հիմքում լինելու է երկրի անվտանգության ամրապնդման գաղափարն ու տնտեսական զարգացման ապահովումը: Մենք նաև կարևորում ենք ժողովրդավարության զարգացումն ու մարդու իրավունքների պաշտպանությունը»,- ասաց Շարմազանովը:
Նրա խոսքով` կուսակցության հիմնական ծրագիրը, որն արդեն հաստատվել է, կներկայացվի մարտի 5-ին:
Հայաստանում խորհրդարանական ընտրություններն անցկացվելու են ապրիլի 2-ին:
