ԵՐԵՎԱՆ, 23 փետրվարի-Sputnik. Սահմանային գծում վերջին շրջանում գրանցված լարվածությունը կապված է ադրբեջանական կողմի կիրառած զինատեսակների հետ, հայտնեց ՀՀ պաշտպանության նախարար Վիգեն Սարգսյանը:
Նրա խոսքով, այսօր և վերջին օրերին Ադրբեջանը հայկական սահմանապահ դիրքերի ուղղությամբ կիրառել է ականանետեր և թեթև հրետանի:
«Հակառակորդի կողմից զինադադարի խախտման ցանկացած դեպք արդարացում չունի, որովհետև զինադադարի ռեժիմը սահմանված է միջազգային պարտավորություն հանդիսացող հրադադարի մասին պայմանագրերով»,- ասաց Վիգեն Սարգսյանը:
ՊՆ Զինված ուժերը, նախարարի հավաստմամբ, պարտավոր է ապահովել և ապահովում է միջազգային փաստաթղթերով ամրագրված հրադադարի պահպանման պարտավորությունները:
