ԵՐԵՎԱՆ, 23 փետրվարի-Sputnik. Ադրբեջանի իշխանություններն ամեն ինչ զավեշտի են վերածում, ասաց փոխարտգործնախարար Շավարշ Քոչարյանը՝ հավելելով, որ խոսքը վերաբերում է ինչպես միջազգային իրավունքին, այնպես էլ նրանց ներքին կյանքին։
«Եվրախորհրդարանի պատգամավորներ Ֆրանկ Էնգելի, Յարոմիր Շտետինայի և Էլենի Թեոխարուսի նկատմամբ Ադրբեջանի կողմից միջազգային հետախուզում հայտարարելը որևէ կերպ չի կարող ազդել դեպի Արցախ այցելությունների վրա»,- ասաց Շավարշ Քոչարյանը։
Տողեկացնենք, որ Ֆրանկ Էնգելը, Յարոմիր Շտետինայը և Էլենի Թեոխարուսն այցելել են Արցախի Հանրապետություն ու հետևել անցկացվող Սահմանադրական հանրաքվեին։ Ըստ ադրբեջանական ԶԼՄ-ների` Ադրբեջանը միջազգային հետախուզում է հայտարարել Եվրախորհրդարանի պատգամավորների նկատմամբ։
