ԵՐԵՎԱՆ, 22 փետրվարի — Sputnik. «Կարմիր սատանաների» կիսապաշտպան Հենրիխ Մխիթարյանը թիմակիցների հետ մեկնել է Ֆրանսիա։ Եվրոպա լիգայի 1/16 եզրափակչի պատասխան խաղում «Մանչեսթեր Յունայթեդն» այսօր՝ փետրվարի 22-ին, կմրցի ֆրանսիական «Սենտ Էթյենի» դեմ։
Առաջին խաղում մանչեսթերյան թիմը հաղթել է 3:0 հաշվով։ «Սենթ Էթյենը» դժվար կացության մեջ է, քանի որ երեք պարտություն է կրել Ֆրանսիայի առաջնության շրջանակում անցկացված չորս հանդիպումներում։
Խաղը կկայանա Երևանի ժամանակով 21:00-ին։
