ԵՐԵՎԱՆ, 21 փետրվարի – Sputnik. ԼՂՀ Կենտրոնական ընտրական հանձնաժողովը հրապարակել է փետրվարի 21-ի ժամը 03.00-ի դրությամբ ԼՂՀ Սահմանադրության հանրաքվեի արդյունքների ամփոփ տեղեկագիրը:
Հրապարակված տվյալների համաձայն` ԼՂ ընտրելու իրավունք ունեցող 103 793 քաղաքացիներից երեկ հանրաքվեին մասնակցել է 79 428-ը:
69 540 քաղաքացի, կամ ընտրողների 87,6%-ը Սահմանադրության նոր նախագծին ՙկողմ՚ է քվեարկել, 7 686 ընտրող, կամ 9,7%-ը՝ ՙդեմ՚:
2 202 քվեաթերթիկ անվավեր է համարվել:
