Էդուարդ Շարմազանով
Արցախում անցկացվող հանրաքվեի ընթացքը ցույց է տալիս, որ ԼՂՀ-ում ժողովրդավարությունն անշրջելի է, Sputnik Արմենիայի հետ զրույցում ասաց ԱԺ փոխնախագահ Էդուարդ Շարմազանովը:
«Արցախի ժողովուրդը ևս մեկ անգամ ապացուցում է, որ ժողովրդավարությունն անշրջելի է։ Արցախն անշեղորեն գնում է ժողովրդավարական պետություն կառուցելու ճանապարհով»,- նշում է նա։
ՀՀ ԱԺ փոխնախագահ Էդուարդ Շարմազանովը, ԼՂՀ ԱԺ նախագահի տեղակալ Վահրամ Բալայանը և ՀՀ ԱԺ պատգամավորներ Գագիկ Մելիքյանն ու Ալեքսանդր Արզումանյանը փետրվարի 20-ին Արցախում այցելել են նաև առաջնագիծ, ծանոթացել մարտական հերթապահություն իրականացնող անձնակազմերի սոցիալ-կենցաղային պայմաններին, զինված ուժերի մարտական պատրաստականությանը:
