ԵՐԵՎԱՆ, 20 փետրվարի — Sputnik. ԱԺ պատգամավոր Զարուհի Փոստանջյանն այլևս. «Ժառանգություն» կուսակցության անդամ չէ։ Այդ մասին նա գրել է իր ֆեսյբուքյան էջում։ Պատգամավորը, մասնավորապես, նշել է.
«Հարգելի «Ժառանգություն» կուսակցության անդամներ,ակնհայտ փաստ է «Ժառանգություն» կուսակցության սկզբունքային, գաղափարական և ծրագրային խզումը իր հռչակած և անցած քաղաքական ուղու հետ, ինչը հանգեցրել է հրաժարման կուսակցության կողմից ընդունված սկզբունքներից, գաղափարախոսությունից և ծրագրից:
Քաղաքական գործունեություն իրականացնելու համար վերը նշված փաստը դարձրել է անհամատեղելի իմ անդամակցությունը «Ժառանգություն» կուսակցությանը:
Հայտնում եմ ձեզ, որ դադարեցնում եմ իմ անդամակցությունը «Ժառանգություն» կուսակցությանը:
Միևնույն ժամանակ` բարձր եմ գնահատում շուրջ տասնամյա համատեղ աշխատանքը և միասին անցած ճանապարհը»:
