ԵՐԵՎԱՆ, 18 փետրվարի — Sputnik. «Էքսպրես Գազետա» կայքը սուսերամարտիկ Յանա Եգորյանի հետ հարցազրույց է հրապարակել, որը զայրացրել է մարզուհուն:
Կայքում նշվել է, որ «Յանան հիմա հանդիպում է Ռուսաստանի ռապիրայի հավաքականի մարզիկ Թիմուր Սաֆինի հետ: Նա 24 տարեկան է, ծնվել է Ուզբեկստանում, թաթարական ընտանիքում»:
Մարզուհին այս հրապարակմանն արձագանքել է Instagram-ի իր էջում:
«Եվ այսպես, սիրելիներս: Ծիծաղը մի կողմ, արդեն ուզում եմ լացել… Ես ու Թիմուր Սաֆինն ընդամենը լավ ընկերներ ենք… Այդ լրագրողը, որն ինձանից հարցազրույց է վերցրել… Հուսով եմ՝ մենք չենք հանդիպի, այլապես սուսերը կարող է կեղտոտվել», — գրել է Եգորյանը:
Յանան նաև նշել է, որ հանդիպում է մի տղամարդու հետ, որը շատ թանկ է իր համար, իսկ նման հոդվածները խարխլում են վստահությունը:
«Եվս մեկ անգամ նրանց համար, ովքեր առաջին անգամից չեն հասկացել. Թիմուրն իր անձնական կյանքն ունի, ես՝ իմ: Մեզ կապում են մարզական կարիերան և ընկերական հարաբերությունները»:
Իր մեկնաբանության վերջում Եգորյանը թողել է #желтаяпресса հեշթեգը:
