ԵՐԵՎԱՆ, 18 փետրվարի — Sputnik. ԵԿՄ համագումարից առաջ Մանվել Գրիգորյանն ասաց, որ համագումարը միասնականության խորհրդանիշ է, և պատահական չէ, որ բոլորը շնորհավորում են միմյանց։
Գրիգորյանը մատնանշեց ԵԿՄ անդամներին, որոնք միմյանց շնորհավորում էին ԵԿՄ համագումարի կապակցությամբ։ Սակայն նրա տրամադրությունը խամրեց, երբ լրագրողներից մեկը հարցրեց` ինչու նա չի հայտնվել ՀՀԿ ռեյտինգային ցուցակում։
«Ինչի՞ ես ինձ հարցնում։ Բա դու խի՞ չկաս։ Երկրապահն ու ՀՀԿ-ն համատեղ համագործակցում են, եղա՞վ»,- ասաց նա։
Մանվել Գրիգորյանը լրագրողին ասաց` եթե կցանկանաս, կբարեխոսեմ, որ դու հայտնվես ռեյտինգային ցուցակում։
