ԵՐԵՎԱՆ, 17 փետրվարի — Sputnik. Նիկուլինի շրջանային դատարանը մեղադրական վճիռ է կայացրել «օրենքով գող» Սերգեյ Ասատրյանի (հայտնի է «Սերյոգա Բենթլի» և «Օսետրինա կրտսեր» մականուններով) և դրամաշորթության գործով նրա հանցակցի վերաբերյալ։ Այս մասին հաղորդում է ՌԻԱ Նովոստին՝ վկայակոչելով կայանի մամուլի քարտուղար Ալյոնա Սամոխոդկինային։
«Դատարանը Սերգեյ Ասատրյանին դատապարտել է 9 տարվա ազատազրկման` հատուկ ռեժիմի գաղութում, իսկ նրա հանցակից Արթուր Բաղդասարյանին՝ 8 տարվա ազատազրկման խիստ ռեժիմի գաղութում», — հայտնել է նա։
Ասատրյանը ձերբակալվել է 2015-ի նոյեմբերին՝ Մոսկվայում հայազգի գործարարից 1,2 մլն դոլար շորթելու համար։ Պարզվել է, որ վախեցնելու համար նրա հանցակիցներն այրել են գործարարի՝ քաղաքից դուրս գտնվող տունը, ինչից հետո տուժածն անհրաժեշտ գումարը փոխանցել է հանցագործներին։ Հանցագործության մեջ Ասատրյանի հանցակիցն է դարձել վերջինիս քեռին՝ Բաղդասարյանը։
Սերգեյ Ասատրյանը համարվում է ամենաերիտասարդ «օրենքով գողը»։ Նա «թագադրվել է» 2008-ին՝ հայտնի քրեական հեղինակություններ Դեդ Հասանի (Ասլան Ուսոյան) և Յապոնչիկի (Վյաչեսլավ Իվանկով) կողմից։ Նրա հայրը՝ Էդուարդ Ասատրյանը, ևս «օրենքով գող է»։
