ԵՐԵՎԱՆ, 17 փետրվարի — Sputnik. Հայաստանի պաշտպանության նախկին նախարար Սեյրան Օհանյանը ուրբաթ օրը հրավիրված ասուլիսի ժամանակ հաստատեց, որ 2005թ-ին նրա և պատերազմի վետերան Պավլիկ Մանուկյանի միջև վիճաբանություն է ծագել։
Ավելի վաղ Պավլիկ Մանուկյանը, որը հիմա գտնվում է «Դատապարտյալների հիվանդանոց» քրեակատարողական հաստատությունում Երևանում ՊՊԾ գունդը գրավելու մեղադրանքով, հայտարարել էր, որ 2005թ-ին նրան ծեծել են Օհանյանի աշխատասենյակում։
«Իսկապես, իմ աշխատասենյակում (այդ ժամանակ Օհանյանը Ղարաբաղի պաշտպանության նախարարն էր` խմբ.) տեղի է ունեցել միջադեպ… Սխալներ են եղել միջանձնային հարաբերություններում, որից հետո մենք Պավլիկ Մանուկյանի հետ երկար աշխատանք ենք կատարել», — ասաց Օհանյանը։
Նախկին նախարարի խոսքով` իրենք կարողացել են հաղթահարել այդ լարվածությունը։
