ԵՐԵՎԱՆ, 16 փետրվարի — Sputnik. Լիբանանահայ ալպինիստ Ավետիս Կալպակլյանը նվաճել է արգենտինական Ակոնկագուա լեռան գագաթը (6962 մետր)։ Այդ մասին նա գրել է Facebook սոցիալական ցանցի իր էջում։
Ալպինիստը լուսանկար է տեղադրել, որում կանգնած է լեռան գագաթին` Հայաստանի դրոշը ձեռքին։
«Հինգ տարի անց ես այստեղ եմ` Ակոնկագուայի գագաթին… 5960 մետր բարձրության այդ երկար վերելքը սկսվել է առավոտյան վեցից։ Մինչև գագաթը հասնելը մենք 10 ժամ անցկացրել են առատ ձյան տակ»,- գրել է Կալպակլյանը։
Նա նշել է, որ հետդարձի ճանապարհին ալպինիստները մոլորվել են և հասել են ճամբարներ չորս ժամվա ընթացքում։
Ավետիս Կալպակլյանն արդեն հասցրել է նվաճել Հյուսիսային Ամերիկայի Մակ Կինլիի գագաթը (6190 մետր), Ակոնկագուան Հարավային Ամերիկայում (6962 մ), Էլբրուսը (5642 մ) և Մոնբլանը (4810) Եվրոպայում, Ջայան Ավստրալիայում և Օկեանիայում (4884 մ)։
