ԵՐԵՎԱՆ, 16 փետրվարի — Sputnik. Կուշևսկայայի կենտրոնական շրջանային հիվանդանոցից ստացված վերջին տեղեկություններով ուղևոր Ք.Մ.-ն կրկնակի հետազոտությունից հետո դուրս է գրվել։ Այս մասին հայտնել է ՀՀ առողջապահության նախարարի մամուլի խոսնակ Անահիտ Հայթայանը:
«Վարորդի մոտ վիրահատական եղանակով կատարվել է սրունքի ոսկրերի արտաքին ֆիքսում։ Բուժումը շարունակում է վերակենդանացման բաժանմունքում, շնչում է ինքնուրույն, վիճակը գնահատվում է կայուն ծանր»,- Ֆեյսբուք սոցիալական ցանցի իր էջում գրել է Հայթայանը։
Փետրվարի 15-ին, ժամը 17:05-ին ՀՀ արտակարգ իրավիճակների նախարարություն ՌԴ ԱԻՆ ՃԿԿ-ից տեղեկություն է ստացվել, որ Մ-4 ավտոճանապարհի (դաշնային) 1142 կմ-ին (Կուշևսկու շրջան) տեղի է ունեցել ՃՏՊ. Մոսկվա-Երևան երթուղին իրականացնող «Setra» մակնիշի ավտոբուսը բախվել է «МАН» մակնիշի բեռնատար ավտոմեքենային:
