ԵՐԵՎԱՆ, 16 փետրվարի — Sputnik. Նախկին նախարարներ Վարդան Օսկանյանի, Րաֆֆի Հովհաննիսյանի, Սեյրան Օհանյանի գլխավորած նախընտրական դաշինքը խորհրդարանական ընտրություններին կմասնակցի «Ժառանգություն-Համախմբում-Հաղթանակ» անվամբ: Այս մասին այսօր ԿԸՀ-ում լրագրողներին հայտնեց «Ժառանգություն» կուսակցության փոխնախագահ Արմեն Մարտիրոսյանը:
Նա նաև լրագրողներին հայտնեց, որ համամասնական ցուցակը գլխավորի ՀՀ պաշտպանության նախկին նախարար Սեյրան Օհանյանը: Նրան հաջորդում են Արմեն Մարտիրոսյանը, Վարդան Օսկանյանը, Էլինար Վարդանյանը, Վահագն Հովհաննիսյանը, Անդրանիկ Թևանյանը, Ստեփան Մարգարյանը, Սուսաննա Մուրադյանը, Գեղամ Նազարյանը, Գառնիկ Սահակյանը:
«Ժառանգություն» կուսակցության նախագահ Րաֆֆի Հովհաննիսյանը ցուցակում 11-րդն է: Ինչո՞վ է պայմանավորված այս փոփոխությունը. Արմեն Մարտիրոսյանը խոստացավ այս հարցին պատասխանել առաջիկայում նախատեսված ասուլիսի ընթացքում:
