ԵՐԵՎԱՆ, 16 փետրվարի — Sputnik. Գյուղատնտեսության նախարար Իգնատի Առաքելյանը կարծում է, որ Հայաստանի ինտենսիվ այգիները սպառման խնդիր չունեն։
Այսինքն` եթե բերքը որակով է, իրացվում է, այն էլ` բարձր գնով։
«Ինտենսիվ այգիների բերքի որակը համապատասխանում է միջազգային չափանիշներին։ Դրանց միջոցով ապահովվում է ստանդարտ, նույն որակի բերք»,- ասաց նախարարը։
Նա օրինակ բերեց` ջերմոցային բարձրակարգ տնտեսություններում արտադրված լոլիկն արտահանվում է առանց խնդիրների։ Նախարարը միանշանակ հաստատեց` արտահանման համար միակ խնդիրը Լարսի ճանապարհն է, երբ ձմռանը փակվում է ու հավելյալ գլխացավանք ստեղծում։
«Նախորդ տարի ամեն ինչ արվել է, որ չունենանք մաքսանենգ ճանապարհով ներմուծված լոլիկ»,-ասաց նա։
Բարձր բերքատվություն և ժամանակային հաշվարկ. ըստ նախարարի այս տակտիկական մոտեցումներն են պակասում ջերմոցատերերին։ Հանրապետության գլխավոր գյուղատնտեսի խոսքով` ջերմոցատերը պետք է իմանա բերքի իրացման լավագույն շրջանը և հաշվարկի բերքի ծավալը։ Մնացածը, ըստ նրա, շուկայական հարաբերութունների հարց է։
