ԵՐԵՎԱՆ, 16 փետրվարի — Sputnik. Հայաստանի Մ16 տարեկանների hավաքականի կազմում ընդգրկվել է 11 բասկետբոլիստ Հայաստանից, Թբիլիսիում կմիանա նաև Գեորգի Շախնազարովը` Սանկտ Պետերբուրգից: Հայաստանի ազգային օլիմպիական կոմիտեի մամուլի ծառայության տեղեկացմամբ` այս մասին հայտնել է թիմի գլխավոր մարզիչ Արեգ Վաթյանը։
Միջազգային մրցաշարին մասնակցելու է 4 թիմ: Բացի դրանից, հայ բասկետբոլիստները մեկ հանդիպում կունենան տեղի թիմերից մեկի հետ:
«Ապրիլին հավաք կունենանք Մոսկվայում: Փորձառության համար մեր թիմը կմրցի Մոսկվայի ուժեղագույն ակումբների հետ»,- հայտնել է մարզիչը:
Մ16 տարեկան պատանիները հուլիսին կմասնակցեն Եվրոպայի C դիվիզիոնի առաջնությանը: Մինչ այդ, նրանք ևս մի քանի հավաք կանցկացնեն.
«Եվրոպայի առաջնության ժամանակ հավաքականին կմիանան նաև արտասահմանում ապրող մեր մի քանի հայրենակիցներ: C դիվիզիոնում մեր նվազագույն նպատակն է՝ մտնել լավագույն եռյակ, իսկ լավ արդյունք կհամարվի հաղթանակը»,-ասել է Արեգ Վաթյանը:
Եվրոպայի C դիվիզիոնի առաջնությունը կկայանա հուլիսի 23-30-ը Անդորայում:
