ԵՐԵՎԱՆ, 15 փետրվարի — Sputnik. Մոսկվա-Երևան երթուղին իրականացնող ավտոբուսը վթարի է ենթարկվել Կրասնոդարի երկրամասի Կուշևսկայա ստանիցայում։ «Setra» մակնիշի ավտոբուսը բախվել է «МАН» բեռնատար ավտոմեքենային, հայտնում է Հայաստանի ԱԻՆ-ը։
Ավտոբուսում եղել է 9 ուղևոր, բոլորը՝ ՀՀ քաղաքցի։ Վթարի պատճառով ավտոբուսի ուղևորներից տուժել են 2-ը. ՀՀ քաղաքացիներ՝ 1953 թ. ծնված Ռոբերտ Մելիքի Պետրոսյանը և 1968 թ. ծնված Քյարամ Խդրի Մամոյանը:
Վերջիններս և բեռնատարի վարորդը տեղափոխվել են Կուշովսկայայի կենտրոնական հիվանդանոց: Զոհեր, բարեբախտաբար, չկան:
