ԵՐԵՎԱՆ, 15 փետրվարի — Sputnik. Ինտերպոլը և Եվրապոլը կօգնեն ԱՊՀ երկրներին արգելափակել ծայրահեղական կայքերը, հաղորդում է ՌԻԱ Նովոստին` հղում անելով ԱՊՀ Հակաահաբեկչական կենտրոնի ղեկավար, ոստիկանության գեներալ-գնդապետ Անդրեյ Նովիկովին։
«ԱՊՀ Հակաահաբեկչական կենտրոնի և մի շարք միջազգային կազմակերպությունների, մասնավորապես Ինտերպոլի և Եվրապոլի հետ աշխատանքային կապերի ընթացքում ձևավորվել է լրացուցիչ մեխանիզմ, որով կհակազդեն ահաբեկչական և ծայրահեղական բովանդակության ունեցող և ԱՊՀ երկրներում արգելված կայքերին», — ասել է Նովիկովը ԱՊՀ երկրների հակաահաբեկչական կենտրոնների ղեկավարների խորհրդակցության ընթացքում։
Նրա խոսքով` նման ռեսուրսների գործունեությունը հաճախ ղեկավարվում է այն երկրներից, որոնք ընդգրկված չեն ԱՊՀ-ում։
Խորհրդակցության աշխատանքին մասնակցում են Ռուսաստանի, Հայաստանի, Ադրբեջանի, Հայաստանի, Բելառուսի, Ղազախստանի, Ղրղըզստանի, Մոլդովայի, Տաջիկստանի, Թուրքմենիայի և Ուզբեկստանի անվտանգության մարմինների և հատուկ ծառայությունների պատվիրակությունները։
