ԵՐԵՎԱՆ, 15 փետրվարի — Sputnik. 33-ամյա Ջերեմի Միքսը, որը հայտնի էր որպես ժամանակակից աշխարհի ամենագեղեցիկ հանցագործը փոխեց «վանդակավոր երկինքը» բեմահարթակի հետ։ Փետրվարի 13-ին Միքսն առաջին անգամ Նյու Յորքի նորաձևության շաբաթվա շրջանակներում բեմ դուրս եկավ, հայտնում է Daily Mail-ը։
Միքսը հանդես եկավ գերմանացի մոդելավորող Ֆիլիպ Պլեյնի նոր հավաքածուի ցուցադրությամբ։
Նյու Յորքի հանրային գրադարանի աստիճաններին, որտեղ անցկացվում էր ցուցադրությունը, փետրվարի 13-ին հարյուրավոր հայտնի հյուրեր էին հավաքվել։ Ցուցադրությանը մասնակցեցին նաև այնպիսի հեռուստատեսային և երաժշտական գերաստղեր, ինչպիսիք են Քայլի Ջեները, «բազմատաղանդ» Փերիս Հիլթանը, փոփ աստղ Մադոննան և այլ հյուրեր։
"Hot felon" Jeremy Meeks
Philipp Plein #NYFW pic.twitter.com/aTu0R6QHsw
— GoodGalReRe (@_reneebu) 14 февраля 2017 г.
2014 թվականի ամռանը Միքսին մեղավոր էին ճանաչել ապօրինի զենք պահելու համար և բանտ նստեցրել։ Նա հայտնի դարձավ այն բանից հետո, երբ Կալիֆոռնիա նահանգի ոստիկանությունը նրա լուսանկարները տեղադրեց Facebook սոցցանցի իրենց էջում, իսկ դրանից հետո համացանցի օգտատերերը սկսեցին տառապել «միքսոմանիայով»։
#Madonna at the designer Philipp Plein #FashionWeek show, looking every bit the superstar she is. pic.twitter.com/Ct63i3ljQP
— Cr@zy4Mad*nna (@cr_nna) 14 февраля 2017 г.
Պատիժը կրելու ընթացքում Միքսը մոդելային գործակալություններից և հոլիվուդյան պրոդյուսերներից սկսեց առաջարկներ ստանալ։
Հանցագործը պայմանագիր ստորագրեց հոլիվուդյան երկու պրոդյուսերների հետ, որոնք նրան առաջարկում էին մասնակցություն տարբեր նախագծերում և ամսական 30-100 հազար դոլար եկամուտ։
