ԵՐԵՎԱՆ, 14 փետրվարի — Sputnik. «Եվրատեսիլ-2017» մրցույթի տոմսերն արդեն վաճառվում են, գները տատանվում են 8-ից 500 եվրոյի սահմանում: Այս մասին հայտնում է ՌԻԱ Նովոստին:
Կազմակերպիչները նախատեսում են մոտավորապես 70 հազար տոմս վաճառել 9 համերգի համար (վեց փորձ, երկու կիսաեզրափակիչ և եզրափակիչ):
«Եվրատեսիլ-2017»-ին Հայաստանը կներկայացնի «Դեպի Եվրատեսիլ» նախագծի հաղթող Արծվիկը:
Մրցույթն այս տարի կանցկացվի Կիևում, քանի որ «Եվրատեսիլ 2016»-ում հաղթել էր Ուկրաինայի ներկայացուցիչը:
Հայաստանը ներկայացնող Իվետա Մուկուչյանը զբաղեցրել էր 7-րդ հորիզոնականը:
